- Tíðindi, mentan og ítróttur
1,28 milliónir til úrvalsítróttafólk
Í dag bleiv stuðul latin til føroysk ítróttafólk.
Svimjarar fáa mest stuðul. Tilsamans góðar 725.753 kr. av 1.284.753 kr. eru latnar svimjarum.
Hinir pengarnir fara til íðkarar innan fimleik, súkkling, triathlon og frælsan ítrótt.
Hesi verða stuðlað:
| Astrið Nanly Breckmann | Bólkur 3 | Fimleikur | 50.000 kr. |
| Rebekka Ingadóttir Rein | Bólkur 3 | Fimleikur | 50.000 kr. |
| Kastarakvinnur | Bólkur 3 | Frælsur ítróttur | 50.000 kr. |
| Tórur Mortensen | Bólkur 2 | Frælsur ítróttur | 136.000 kr. |
| 15 úrvalssvimjarar | Bólkur 3 | Svimjing | 50.000 kr. |
| Óli Mortensen | Bólkur 2 | Svimjing | 163.367 kr. |
| Signhild D. Joensen | Bólkur 2 | Svimjing | 189.000 kr. |
| Alvi Hjelm | Bólkur 2 | Svimjing | 140.386 kr. |
| Vár E. Eidesgaard | Bólkur 2 | Svimjing | 124.000 kr. |
| Rókur Trygvason | Bólkur 2 | Svimjing | 59.000 kr |
| Torkil Weyhe | Bólkur 2 | Súkkling | 117.000 kr. |
| Hávard Vatnhamar | Bólkur 2 | Triathlon | 156.000 kr. |
Krøv:
Stuðulin, ið verður latin, kann verða nýttur til kappingar, venjingarlegur og fysioterapeut.
Stuðulin kann eisini nýtast til annað virksemi hjá ítróttarfólkinum, sum serbambandið ikki vanliga luttekur í.
Stuðul veittur frá Úrvali, sum avvarandi sersamband nýtir til samsýningar, skulu verða goldnar sambært galdandi skattalóggávu.
Tríbýtt stuðulsskipan
Stuðulin hesaferð var latin í bólki eitt og bólki tvey. Eingin umsøkjari leyk krøvini til bólk eitt.
Bólkur 1
Ítróttafólk ella lið, sum hava rokkið topp 10 við seinastu EM, HM ella OL-kapping.
Úrval stuðlar 1. bólki fíggjarliga.
Bólkur 2
Ítróttafólk ella lið sum hava rokkið ella kunnu røkka topp 5 í NM ella 3 í NJM, ella í samsvarandi kapping í styrki.
Úrval stuðlar 2. bólki fíggjarliga.
Bólkur 3
Unga ítróttafólkið skal hava víst evni og ágrýtni at megna at uppfylla langtíðarmál í síni ítróttagrein.
At hava ágrýtni og megna at uppfylla langtíðarmál merkir, at ítróttafólkið venur miðvíst og kappast regluliga á høgum stigi.
Langtíðarmál merkir, at ítróttafólkið hevur sett sær neyðuga høg mál minst tvey ár fram.
Unga ítróttafólkið skal kunna vísa á avrikað úrslit á høgum stigi.
Úrval stuðlar 3. bólki við ráðgeving, ráðstevnum o.ø. stimbrandi tiltøkum.
