Land og kommunur mugu samstarva um ferðavinnuna

Land og kommunur mugu samstarva um ferðavinnuna
Neyvt samstarv millum land og kommunur er besta fortreytin fyri einari góðari ferðavinnu í Føroyum, heldur Poul Michelsen, landsstýrismaður
 
19.08.2018 - 15:30

Landsstýrismaðurin í ferðavinnumálum, Poul Michelsen, var fríggjadagin á fundi við Kommunufelagið og Visit Faroe Islands. Endamálið við fundinum var at seta sjóneykuna á, hvussu land og kommunur skilabest kunnu samstarva um ferðavinnuna og viðgera, hvussu ferðavinnan verður skipað á bestan hátt fyri land, kommunur, vinnulív og ferðafólkini, sum leita sær til Føroya.

- Landið er fúsur viðleikari, men natúrlig og sunn menning krevur, at átøkini koma frá vinnuni, frá fólkinum og kommununum, har menningin skal henda, segði Poul Michelsen á fundinum.

Eisini legði landsstýrismaðurin dent á, at ferðavinnan í Føroyum eigur at leggja seg eftir dygd heldur enn nøgd, tá talan er um ferðafólk.

Okkurt um 600 ársverk eru nu í føroysku ferðavinnuni. Umsetningurin hjá vinnuni er 600 milliónir krónur um árið. 

100.000 ferðafólk eru í Føroyum um árið.
 

Er kopiera
Nýggjastu sendingar í ÚV
Sunnudag 2. februar
Bolero - Clara Schumann
187200
Sunnudag 2. februar
Guðstænasta í Kirkjubøar kirkju
187197
Leygardag 1. februar
Plátupanelið #026 (1985)
187182
Leygardag 1. februar
Jambalaja - 010225
187181
Nýggjastu sendingar í SV
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155
Hósdag 30. januar
Heim, kæra heim 2:3
187109