Tøkniligar avbjóðingar við óstøðugum stroymi

Seinastu tvey árini er talið av hyggjarum, sum velja at stroyma sendingar okkara, vaksið við rúkandi ferð. Tíverri  hevur tað havt við sær, at stroymingin hevur verið óstøðug. Trupulleikin við óstøðugum stroymi sæst serliga, tá ið Dagur og Vika er á skránni. Kringvarpið hevur fingið nýggja og munandi máttmiklari útgerð, sum er av sama slagi sum gamla útgerðin. Fyrr í ár varð nýggja útgerðin sett til og tikin í nýtslu, men tað vísti seg skjótt, at trupulleikar vóru við óstøðugum sambandi. Vit hava eina tíð arbeitt saman við veitaranum við at loysa trupulleikan, men hetta er ein trupul tilgongd.

Páskir

Væntandi verður nýggja útgerðin sett til aftur áðrenn páskir, so stroymingin aftur verður støðug. 

Vit biðja hyggjarar okkara halda okkum til góðar. 

Sendið endiliga viðmerkingar til okkum á facebookvangan hjá Kringvarpinum ella á eina av teldupostadressunum her á síðuni.