Sjúkrarøktarfrøðingar hava lýst arbeiðssteðg

Klokkan 14 í dag fara fer felagið Føroyskir Sjúkrarøktarfrøðingar á fund við semingsstovnin.

Fríggjadagin lýsti felagið arbeiðssteðg fyri narkosusjúkrarøktarfrøðingar á øllum trimum sjúkrahúsum frá mánamorgni 30.oktober 2017 kl 8.00, eftir at hava samráðst við Fíggjarmálaráðið um nýggjan sáttmála.

Óluvá í Gong, forkvinna í Felagnum Føroyskir Sjúkrarøktarfrøðingar, segði, at samráðingarnar eru ikki komnar nakran veg, hóast felagið hevur verið á fýra fundum við fíggjarmálaráðnum.

- Vit hava tosa um sáttmálatekst, men at tosa um tað, sum tað veruliga handlar um, pengar, tað hava vit ikki gjørt, sigur Óluva í Gong. 

Jan Mortensen, stjóri á Lønardeildini, valdi tí at senda boð eftir semingsstovinum.

Sáttmálin millum sjúkrarøktarfrøðingarnar og Fíggjarmálaráðið fór úr gildi fyrsta oktober.

SÍ EISINI: Dagføring: Arbeiðssteðgur útsettur