Øll heimaliðini vunnu

Níggjunda umfar gjørdist málríkt, tí heili 16 mál vórðu skotin í teimum fimm dystunum.
KÍ greiddi sína skyldu á heimavølli, har teir vunnu á arvafíggindunum HB.

Heldur ikki B36 ella Víkingur vístu náði á heimavølli. B36 hølvaði 07 Vestur av í Gundadali við fýra málum móti ongum, og í Sarpugerði vann Víkingur 3-0 á TB/FCS/Royn.

Á Skála gjørdi heimaliðið eisini enda á málturkinum, tá ið teir vunnu 3-2 á EB/Streymi. Sigurin og tey trý stigini flyta Skála heili tvey pláss upp á stigatalvuni.

Fimti dysturin í níggjunda umfari varð spældur í gjár, tá ið NSÍ vann tryggan 3-0 sigur á ÍF.

Úrslitini og málini í 9.umfari:

KÍ - HB 1-0
1-0 Dion Splidt 45'

Víkingur - TB/FCS/Royn 3-0
1-0 Fróði Benjaminsen 45'
2-0 Andrias Lava Olsen 54'
3-0 Erling Jacobsen 83'

Skála - EB/Streymur 3-2
0-1 Rógvi Egilstoft Nielsen 12'
1-1 Michal Przybylski 33'
2-1 Michal Przybylski 64'
2-2 Leif Niclasen 77'
3-2 Andras Frederiksberg 90'

B36 - 07 Vestur 4-0
1-0 Róaldur Jakobsen (br.) 29'
2-0 Pætur Petersen 52'
3-0 Róaldur Jakobsen 76'
4-0 Patrik Johannsen 85'

NSÍ - ÍF 3-0
1-0 Jann Benjaminsen 44'
2-0 Jann Benjaminsen 64'
3-0 Klæmint Olsen 74'

Støðan í EFFO-deildini, nú øll liðini hava spælt eina ferð ímóti hvørjum øðrum:

Hósdagin verða finaluliðini í kappingini um Løgmanssteypið funnin. Í Gundadali verður returdystur millum HB og B36. Fyrri dysturin endaði javnur 1-1, og tað er HB, sum eigur heimavøllin í seinna dystinum.

Hin hálvfinalan verður spæld við Løkin, har NSÍ eigur heimavøll móti KÍ. Fyrra hálvfinalan endaði 2-2 í Klaksvík.

Báðir dystirnir verða stroymdir, og vit hava somuleiðis beinleiðis frásagnir í útvarpinum hósdagin.