- Tíðindi, mentan og ítróttur
Ægir setti tvey føroysk met á fyrsta degnum
Ægir setti tvey føroysk met á fyrsta degnum
Svimjifelagið úr Klaksvík setti tvey føroyskt met á fyrsta FM-degnum
25.03.2017 - 08:36
Um vikuskiftið kappast 73 svimjarar um føroyameistaraheitini á stuttgeil í svimjing.
Kappingini byrjaði í gjár og har vístu serliga kvinnurnar úr Ægir, at tær eru í stórformi.
Fyrst tók Signhild Joensen úr Ægir sjey ára gamla metið í 100 metrar rygg, tá hon kom á mál við tíðini 1.01.39.
Gamla metið, sum var 1.01.46 átti Birita Debes. Tað var sett afturi í 2010.
Í síðstu kappingini gjørdu svimjarar úr Klaksvík aftur um seg, tá 4x100 metrar frí var á skránni hjá kvinnum.
Her tóku tær sítt egna met við tíðini 3.55.40. Gamla metið var 3.55.66.
Hesar svumu fyri Ægir kvinnurnar
| Signhild Joensen |
| Jana B. Thomsen |
| Barbara Debes |
| Ásbjørg Hjelm |
Føroyameistarar
| 100 m. frí kv. | Vár Eidesgaard, HS | 57.53 |
| 50 m. firvald m. | Óli Mortensen, HS | 25.35 |
| 200 m. blandað kv. | Sára Nysted, Susvim | 2.19.64 |
| 200 m. bringa m. | Róland Toftum, Susvim | 2.17.55 |
| 50 m. firvald kv. | Vár Eidesgaard, HS | 28.69 |
| 200 m. rygg m. | Alvi Hjelm, Ægir | 2.06.40 |
| 100 m. rygg kv | Signhild Joensen, Ægir | 1.01.39 (met) |
| 200 m. blandað m. | Alvi Hjelm, Ægir | 2.09.87 |
| 50 m. bringa kv. | Ásbjørg Hjelm, Ægir | 33.01 |
| 100 m. frí m. | Óli Mortensen, HS | 52.35 |
| 800 m. frí kv | Vár Eidesgaard, HS | 9.03.92 |
| 1500 m. frí m. | Óli Mortensen, HS | 15.15.85 |
Kappast aftur í dag
Í dag kappast svimjararnir aftur og sjónvarpið fer at senda allar finalurnar beinleiðis. Vit byrja klokkan 19.00
Er kopiera
Nýggjastu sendingar í ÚV
