- Tíðindi, mentan og ítróttur
YouTube 10 ár: Her er fyrsta sjónbandið
YouTube 10 ár: Her er fyrsta sjónbandið
10 ár eru liðin síðani fyrsta sjónbandið varð sent til YouTube. Her er fyrsta upptøkan, ið sást á YouTube 23. apríl í 2005
YouTube er 10 ár. Her er fyrsta upptøkan, ið varð send til YouTube 23. apríl í 2005
Mynd: Skíggjamynd/YouTube/Jawed Karim
24.04.2015 - 11:24
Leygardagin 23. apríl í 2005.
Tað var dagurin, tá fyrsta sjónbandið varð sent til videotænastuna, YouTube. Nú, 10 ár seinni, verða 300 minuttir av upptøkum sendar til YouTube hvønn minutt.
Sí upptøkuna niðanfyri
YouTube er nú ein av teimum størstu veitarunum á internetinum, har seks milliardir tímar verða sæddir hvønn mánað í árinum.
Í fyrstu upptøkuni niðanfyri vitjar tann eini YouTube stovnarin, Jawed Karim, ein djóragarð í San Diego. Upptøkuna, ið eitur "Me at the zoo", hava 21 milliónir fólk sæð higartil.
Jawed Karim, ið sæst á upptøkuni, og hinir báðir vinmenninir, ið stovnaðu YouTube, seldu hálvtannað ár eftir YouTube til Google fyri tað, sum í dag svarar til 11 milliardir.
Er kopiera
Nýggjastu sendingar í ÚV
Nýggjastu sendingar í SV
