- Tíðindi, mentan og ítróttur
Nýggir danskir ráðharrar
Klokkan 9 í morgun kunnaði danski forsætisráðharrin, Helle Thorning Schmidt, Margrethu drotning um broytingarnar í stjórnini, eftir at SF fór úr stjórnini í farnu viku.
Danska stjórnin uttanfyri Amalienborg í dag foto: dr.dk
Nýggjur skattamálaráðharri verður Morten Østergaard úr Radikala Flokkinum.
Nýggjur heilsumálaráðharri verður Nick Hækkerup úr Javnaðarflokkinum, sum var handils- og europaráðharri. Hann tekur við eftir Astrid Krag úr SF, sum kortini er farin upp í Javnaðarflokkin, eftir stríðið í farnu viku.
Martin Lidegaard úr Radikala Flokkinum verður uttanríkisráðharri, hann var veðurlags- og orkumálaráðharri.
Magnus Heunicke úr Javnaðarflokkinum verður nýggjur post- og flutningsráðharri, tað er fyrstu ferð at hann verður ráðharri.
Mogens Jensen úr Javnaðarflokkinum verður nýggjur handils- og menningarráðharri, tað er eisini fyrstu ferð at hann verður ráðharri.
Rasmus Helveg Petersen úr Radikala Flokkinum verður veður- og orkumálaráðharri, hann var menningarráðharri.
Manu Sareen úr Radikala Flokkinum verður almanna-, integratións- og barnaráðharri, og heldur fram sum ráðharri í javnstøðumálum. Hann fer frá sum kirkjumálaráðharri og ráðharri í norðurlandamálum.
Sofie Carsten Nielsen úr Radikala Flokkinum verður nýggjur útbúgvingarráðharri, tað er fyrstu ferð hon verður ráðharri.
Kirsten Brosbøl úr Javnaðarflokkinum verður umhvørvisráðharri eftir Idu Auken. Ida Auken er farin úr SF, upp í Radikala Flokkin.
11 nýggir ráðharrar koma uppí donsku stjórnina, meðan 10 verða verandi í sínum ráðharrastørvum.