Lærarar samráðast um nýggjan sáttmála

Lærarar samráðast um nýggjan sáttmála
Hesa ferð fer Lærarafelagið at samráðast einsamalt og ikki saman við øðrum fakfeløgum
Herálvur Jacobsen er formaður í Lærarafelagnum
 
11.09.2013 - 09:45

Í morgin verður fyrsti samráðingarfundurin millum Lærarafelagið og Fíggjarmálaráðið um nýggjar sáttmálar fyri teir, sum fara úr gildi 1.oktober. Á fundinum, sum verður í Fíggjarmálaráðnum, verða mannagongdir avtalaðar, og skrá gjørd fyri samráðingarnar.

Hesa ferð fer Lærarafelagið at samráðast einsamalt og ikki saman við øðrum fakfeløgum. Samráðingar um lønirnar hjá nógvum fólkum, sum arbeiða hjá tí almenna, eru nú í september, tí sáttmálarnir fara úr gildi 1.oktober.

Stór fakfeløg

Pedagogfelagið, Lærarafelagið og Felagið føroyskir sjúkrarøktarfrøðingar eru millum størstu fakfeløg, sum hava limir á almenna arbeiðsmarknaðinum, og tey skulu samráðast um nýggjar sáttmálar nú. Harafturat skulu fimm onnur fakfeløg hava nýggjar sáttmálar.

Størsta felagið, Starvsmannafelagið, hevur sáttmálar heilt fram til 1.oktober í 2015. Og tað hava 13 onnur feløg eisini. Fíggjarmálaráðið og Kommunala arbeiðsgevarafelagið fara ikki at bjóða hinum feløgunum meira hetta til 1.oktober í 2015 enn hini feløgini, sum hava sáttmála til 2015, hava fingið, sigur Snorri Fjalsbak, stjóri á Lønardeildini.

Men Lønardeildini fer ikki at nokta at gera sáttmálar, sum vara longur enn til 1.oktober 2015.

Er kopiera
Nýggjastu sendingar í ÚV
Týsdag 25. februar
LEITISSTEIN 25.02.2025 (Teitursa kvæði)
188282
Týsdag 25. februar
Breddin: Trý ár við kríggi
188252
Týsdag 25. februar
Góðan morgun Føroyar
188242
Týsdag 25. februar
Morgunlestur týsdagur 25. februar 2025
187864
Nýggjastu sendingar í SV
Týsdag 25. februar
Veðrið
188278
Týsdag 25. februar
Dagur og vika við 3-2 - teknmálstulkað
188272
Týsdag 25. februar
Danny og bussførari
187889
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164