- Tíðindi, mentan og ítróttur
Umboðsmaðurin fekk 50 kærur í fjør
<div>Løgtingsins umboðsmaður fekk hálvthundrað klagur í fjør. 46 vórðu avgreiddar og harafturat vórðu 16 eldri klagur avgreiddar í fjør.</div><div><br></div><div>Men 41 av teimum hálvthundrað klagunum, sum komu í fjør, vórðu avvístar.</div><div><br></div><div>Tær flestu eru avvístar, tí Løgtingsins umboðsmaður helt ikki, at grundarlag var fyri víðari kanningum. Nakrar klagur komu ov seint, í nøkrum førum var kærumøguleiki ikki royndurn og nakrar klagur vóru uttan fyri heimildarøkið hjá umboðsmanninum. </div><div><br></div><div><b>Eftirlitskanningar fyltu mest</b></div><div><br></div><div>Eftirlitskanningar í sambýlum hjá menningartarnaðum og sinnisveikum fólkum eyðkendi arbeiðið hjá stovninum í fjør. Endaliga arbeiðið við hesum kanningum var ikki liðugt í 2012. Hesar kanningar hava víst, at stórur tørvur er á at gera slíkar kanningar, stendur í ársfrágreiðingini hjá Løgtingsins umboðsmanni fyri 2012. </div><div><br></div><div>Ætlanin er í framtíðini at umskipa arbeiðsorkuna hjá umboðsmanninum soleiðis, at meira orka verður løgd í eftirlitsvitjanir á stovnum og sambýlum hjá Almannaverkinum. </div><div><br></div><div>Flestu niðurstøðurnar, sum Løgtingsins umboðsmaður gjørdi í fjør vóru um innlitsmál, 13, starvsfólkamál, 11 og almannamál, eisini 11. </div><div><br></div><div><br></div>
