Samráðast aftur í morgin um makrelin

Føroyska samráðingarnevndin umrøður støðuna í samráðingunum í kvøld

Andras Kristiansen, leiðari í føroysku samráðingarnevndini, vil einki siga um gongdina í samráðingunum, men hildið verður fram at samráðast í morgin.

Sigmar Bláberg

Johnsigurd Johannesen

23.10.2012 - 17:23

<div>Samráðingarnar um makrelin, sum eru í London, halda fram í morgin sum ætlað.</div><div><br></div><div>Andras Kristiansen, samráðingarleiðari, sigur, at samráðingarnar eru lidnar fyri í dag. Føroyska samráðingarnevndin fer kortini í kvøld at umrøða støðuna innanhýsis. Og so er avtalað, at partarnir skulu seta seg aftur við samráðingarborðið fyrrapartin í morgin.</div><div><br></div><div>Andras Kristiansen vil kortini ikki gera viðmerkingar til gongdina í samráðingunum.</div><div><br></div><div><b>Royna semju</b></div><div><br></div><div>Tað eru strandarlondini ES, Føroyar, Ísland og Noreg, sum enn einaferð royna at finna eina semju um, hvussu fiskiskapurin eftir makreli skal skipast. Talan er um truplar samráðingar, tí undanfarnu samráðingarumførini hava givið ábendingar um, at partarnir standa langt hvør frá øðrum. </div><div><br></div><div>Føroyar eru formansland fyri samráðingunum. Russland er boðið við sum eygleiðari. Allar samráðingarnar eru á embætismannastigi, og eru í hølunum hjá NEAFC í London. </div><div><br></div><div>Í føroysku samráðingarnevndini eru umboð fyri Fiskimálaráðið, Havstovuna og vinnuna.</div><div><br></div>