- Tíðindi, mentan og ítróttur
Fara nú at samráðast um hallirnar í Klaksvík
<div>Hósdagin setast umboð fyri Klaksvíkar kommunu og Norðoya Sparikassa seg við fundarborðið, í eini roynd at finna eina semju um, hvussu tær báðar ítróttarhallirnar í Klaksvík kunnu rekast víðari.</div><div><br></div><div>Undan fundinum vil Gunvá við Keldu, borgarstjóri, ikki at siga nakað um, hvørjum kommunan fer eftir í samráðingunum við sparikassan. Hon vísir til samtyktina frá seinasta býráðsfundi, men samtyktin er ikki almenn.</div><div><br></div><div><b>Hava fyrireikað til samráðingarnar</b></div><div><br></div><div>Gunvá við Keldu sigur, at síðan býráðssamtyktina hevur kommunan arbeitt við fyrireikingum til samráðingarnar við sparikassan. Nógvir spurningar eru at taka støðu til, eitt nú hvussu hallirnar skulu skipast, um kommunan yvirtekur tær.</div><div><br></div><div>- Vit mugu vita, hvørjum standi hallirnar eru í, og hvat skal til fyri at dagføra tær, serliga KÍ-høllina. Ein treyt er, at vit eru tryggjað móti óvæntaðum útreiðslum, sigur Gunvá við Keldu, borgarstjóri.</div><div><br></div>
