Heilsutrygdargjaldið vendir sosialt skeivt

Landsfelag Pensjónista mælir til, at heilsutrygdargjaldið verður lagt inn í skattaskipanina

Arne Thorsteinsson er formaður í Landsfelagi Pensjónista. Felagið sigur, at uppskotið um um at broyta heilsutrygdargjaldið vendir sosialt skeivt.

Jón Brian Hvidtfeldt

Johnsigurd Johannesen

19.10.2012 - 10:30

<div>Uppskotið hjá landsstýrinum at broyta heilsutrygdargjaldið vendir sosialt skeivt.</div><div><br></div><div>Tað sigur Landsfelag Pensjónista, sum í hoyringarsvari vísir á, at Karsten Hansen, landsstýrismaður í heilsumálum, mangar ferðir hevur givið lyfti um, at nýggja heilsutrygdargjaldið skuldi verða eitt samhaldsfast gjald, goldið yvir skattin.</div><div><br></div><div>Sambært lógaruppskotinum skulu øll rinda 160 krónur í grundgjaldi og síðani 0,55 prosent av skattskyldugu inntøkuni til Heilsutrygd.</div><div><br></div><div><b>Meiri samhaldsfast gjald</b></div><div><br></div><div>Landsfelag Pensjónista mælir í sínum hoyringarsvari landsstýrinum til at sleppa hesum leisti, og í staðin koma við einum uppskoti til heilsutrygdargjald, sum vendir sosialt rætt, og sum er samhaldsfast.</div><div><br></div><div>Tað kann, sambært Landsfelagnum, gerast við at leggja heilsutrygdargjaldið inn í skattaskipanina, og krevja pengarnar inn sum vanligan skatt eftir sama leisti sum landsskatturin.</div><div><br></div>