Innkomuvegur til Havnar liðugur í 2020

Vegurin verður gjørdur í tveimum pørtum. 10 milliónir verða settar av næsta ár

Tað ganga nøkur ár afturat, áðrenn nýggi innkomuvegurin til høvuðsstaðin verður liðugur.

18.10.2012 - 12:03

<p>Nýggi innkomuvegurin til Havnar verður neyvan liðugur fyrr enn í 2020.</p><div><br></div><div>Tað skilst á einum svari frá Kára P. Højgaard, landsstýrismanni, til Boga Andreasen, sum hevur spurt um málið.</div><div><br></div><div>Kári P. Højgaard sigur, at ynskiligt hevði verið at framt verkætlanina næstu trý árini, men sambært langtíðarætlanini "Á rættari kós" er ætlanin at játta 10 milliónir. kr. næsta ár. Síðani verða 16 milliónir játtaðar í 2018, 36 milliónir í 2019 og 42 milliónir kr. í 2020.</div><div><br></div><div><b>Í tveimum pørtum</b></div><div><br></div><div>Nýggi innkomuvegurin verður býttur í tveir partar. Fyrri partur fer frá Kaldbaksvegnum til Oyggjarvegin, og seinni partur frá Oyggjarvegnum til Velbastaðvegin. Til tess at hava trygga og skjóta farleið verða bert fáar íbindingar á vegateininum, so ferðslan ikki verður blandað saman við ferðsluna á kommunalum vegum, sigur landsstýrismaðurin. </div><div><br></div><div>Tað skal bera til at koyra frá Kaldbaksvegnum til vestara part av býnum, Velbastaðvegin og ein møguligan flogvøll á Glyvursnesi, sigur Kári P. Højgaard í svarinum til Boga Andreasen. </div><div><br></div><div><br></div><div><br></div><div><br></div>