- Tíðindi, mentan og ítróttur
Samtak vil hava ALS-skipanina endurskoðaða
<div>Neyðugt er at hyggja nærri at tíðarskeiðinum, sum fólk kunnu vera í Arbeiðsloysisskipanini, nú langtíðararbeiðsloysið hevur bitið seg fast.</div><div><br></div><div>Tað heldur Samtak, sum vil hava stýrið fyri ALS at taka málið til viðgerðar.</div><div><br></div><div>Samtak vísir á, at tá ALS var broytt á sumri í 2009, og útgjaldið hækkaði, varð samstundis gjørt av at lækka tíðarskeiðið, ið fólk kunnu vera í skipanini - í alt 648 dagar. </div><div><br></div><div><b>Fá lúka treytirnar</b></div><div><br></div><div>Samtak leggur aftrat, at tey mongu, sum detta úr ALS-skipanini, kunnu søkja forsorgarhjálp hjá Almannastovuni, men bert fá lúka treytirnar. Forsorgarupphæddirnar eru hartil so lágar, at trupult er at fáa endarnar at røkka saman, sigur Samtak.</div><div><br></div><div>Samtak sigur, at eini 300 fólk eru, sum ikki fáa útgjald úr ALS, antin tí tey ikki lúka treytirnar ella tí tey eru dottin úr skipanini. Tí liggur veruliga arbeiðsloysið í Føroyum um 1500 fólk, metir Samtak. </div><div><br></div><div>- Ásannast má, at Føroyar hava ávíst bygnarðarligt arbeiðsloysið, sum neyðugt er at taka í størsta álvara, soleiðis at arbeiðsleys fáa møguleika at førleikamenna og útbúgva seg til at taka av framtíðar avbjóðingum, sigur Samtak. </div><div><br></div>
