Danir rudda amerikanskt ruskpláss í Grønlandi

Tað fer at kosta 40 mió. kr. at rudda ruskplássið í Dundas við Thule

Grønlendingar hava gjørt avtalu við danskar myndugleikar um at rudda amerikanska ruskplássið í Dundas við Thule.

20.09.2012 - 16:46

<div>Myndugleikarnir í Grønlandi hava gjørt avtalu við donsku myndugleikarnar um at rudda amerikanska ruskplássið í Dundas við Thule. Donsku myndugleikarnir rinda fyri at økið verður ruddað.</div><div><br></div><div>Grønlendski landsstýrismaðurin í innlendismálum, Anthon Frederiksen, sigur við grønlendska kringvarpið, at tað í øllum førum fer at kosta 40 milliónir kr. at rudda økið. Avtalan við donsku stjórnina varð gjørd við táverandi danska ráðharran í umhvørvismálum, Karen Ellemann.</div><div><b><br></b></div><div><b>Ruddingin boðin út</b></div><div><br></div><div>Síðani er arbeiðið boðið út, og eitt grønlendskt felag eigur lægsta boðið, sum er 40 milliónir kr. Ætlanin er at byrja ruddingina í ár, og arbeiðið skal verða liðugt í 2014. Tilfarið, sum verður tikið úr økinum, verður flutt til Danmarkar til víðari viðgerð.</div><div><br></div><div>Er talan um vandamikuil evnir í økinum, verða fleiri pengar játtaðir til arbeiðið, stendur í avtaluni. USA hevði herstøð í Thule til í 2001.</div><div><br></div>