33.000 tons fleiri útflutt í ár

Størsti vøksturin er í útflutninginum av uppsjóvarfiski, men makrelútflutningurin er bert helvtina av tí, hann var í fjør

Virðið á svartkjaftaútflutninginum er nógv vaksið seinasta árið, men makrelútflutningurin er bara helvtina av tí, hann var somu tíð í fjør.

Johnsigurd Johannesen

19.09.2012 - 11:26

<p>Fyrstu sjey mánaðirnar í ár vaks fiskaútflutningurin 33.000 tons samanborið við somu tíð í fjør. Útflutt vórðu 193.000 tons fyri 2,7 mia. kr. Vøksturin í nøgd er 21 prosent, og í virði er vøksturin fimm prosent. </p><div>Uppsjóvarfiskurin hevur størsta vøksturin, bæði í tonsum og pengum, vísa tøl hjá Hagstovuni. Serliga stórur vøkstur hevur verið í útflutninginum av svartkjafti, úr 14.000 tonsum fyrstu sjey mánaðirnar í fjør upp í 37.000 tons somu tíð í ár. </div><div><br></div><div><b>Makrelútflutningurin nógv minkaður</b></div><div><br></div><div>Virðið á svartkjaftinum er hækkað úr 76 mió. kr. upp í 159 mió. kr. í ár. Hinvegin hevur útflutningurin av makreli bert verið helvtina av tí, hann var somu tíð í fjør. Virðið á sildaútflutninginum vaks 15 prosent, hóast nøgdin er minkað 11 prosent. </div><div><br></div><div>Útflutningurin av alifiski setur met í ár. Fyrstu sjey mánaðirnar vórðu útflutt 31.500 tons. Vøksturin er 29 prosent. Fyri hesa nøgd fingu við 971 mió. kr. Tað eru tvey prosent minni enn somu tíð fjør.</div>