Fleiri arbeiðsleys enda í Almannaverkinum

Seinasta hálvt fjórða árið eru 260 fólk dottin úr ALS, og higartil í ár er hetta talið 94

250 fólk fáa uppihaldshjálp frá Almannaverkinum, tí tey hava einki arbeiði.

11.09.2012 - 09:47

<div>Tølini hjá Arbeiðsloysisskipanini siga ikki alt um arbeiðsloysið í Føroyum. Millum annað fáa hálvt triðja hundrað fólk uppihaldshjálp frá Almannaverkinum, tí tey einki arbeiði hava.</div><div><br></div><div>Og seinasta hálvt fjórða árið eru 260 fólk dottin úr ALS, tí tey hava brúkt allar sínar dagar har.  Higartil í ár er hetta talið 94. Og um tey, sum eru arbeiðsleys í dag, ikki fáa arbeiði fyri ársskiftið, so fara 84 fólk afturat úr skipanini tað, sum eftir er av árinum. </div><div><br></div><div>Johan Dahl, landsstýrismaður, hevur svarað einum fyrispurningi frá Bjørt Samuelsen, løgtingskvinnu, um arbeiðsloysið í Føroyum.  
</div><div><br></div><div><b>Upp um 400 næsta ár</b></div><div><br></div><div>Ein leyslig meting hjá ALS sigur, at talið fer nakað upp um 400 næsta ár og nærkast 600 í 2014. ALS ger tó vart við, at óvissan um framtíðartølini er stór, so tey skulu takast við fyrivarni.</div><div><br></div><div>Í svarinum sæst eisini, at nógv arbeiðsleys í Føroyum eru arbeiðsleys leingi. Tey eru knappliga 780 nú í september. ALS sigur, at fólk eru langtíðararbeiðsleys, tá tey eru arbeiðsleys í meira enn hálvt ár. </div><div><br></div><div>Í dag eru 1218 fólk skrásett hjá ALS at vera arbeiðsleys.</div><div><br></div>