Selja mjólkakvotur til hægstbjóðandi

Búnaðargrunnurin fer nú at selja tríggjar mjólkakvotur, sum grunnurin hevur keypt á tvingilsuppboði

Mjólkakvoturnar, sum Búnaðargrunnurin keypti á tvingsilsuppboði, verður nú seldar aftur.

31.08.2012 - 17:06

<div>Búnaðargrunnurin fer skjótast gjørligt at lýsa til sølu tær tríggjar mjólkakvoturnar, festibrævið og fjósið, sum grunnurin keypti á tvingsilsuppboði mikudagin.</div><div>Selt verður hægstbjóðandi, sigur Sjúrður Knudsen, stjóri á Búnaðargrunninum.</div><div><br></div><div>Kvoturnar eru tilsamans 755.807 litrar. Tær vórðu seldar á tvingsilsuppboði, og av tí at eingin annar bjóðaði, fekk Búnaðargrunnurin hvørja kvotu fyri 1000 kr. Búnaðargrunnurin hevur veð í kvotunum, festibrævinum og fjósinum, sum vórðu seld í Fútarættinum og keypti tí fyri at tryggja sær nakað av tí, grunnurin eigur til góðar.</div><div><br></div><div><b>1.000 krónur hvørt</b></div><div><br></div><div>Búnaðargrunnurin keypti eisini festibrævið og fjósið fyri 1000 kr. hvørt.Talan er um tveir garðar á Giljanesi, Norðri í Stovu og Eyðanstova, sum løgdu saman, og triðja mjólkakvotan er á Norðoyri. Hana átti smápartafelagið Frammistova.  </div><div><br></div><div>Mjólkakvoturnar, sum nú verða seldar, eru tíggju prosent av mjólkarkvotunum, sum eru í Føroyum.  </div><div><br></div><div><br></div><div> </div><div><br></div>