Danmark og Liberia í diplomatiskari orrustu

Liberia hevur valt at saksøkja danska journalistin, Mads Brügger, og tað hevur varpað Danmark út í eina diplomatiska orrustu við Liberia

Danski journalisturin, Mads Brugger, hevur elvt til diplomatiska kreppu millum Danmark og Liberia.

Grækaris Djurhuus Magnussen

01.08.2012 - 12:12

<div>Orsøkin til sakarmálið er dokumentarfilmurin "Ambassadøren", ið Mads Brügger gjørdi um mutur í Liberia. Mads Brügger, sum í løtuni starvst sum stjóri fyri útvarpsrásini "Radio24syv" fór til Liberia og keypti sær heitið sum liberiskur diplomatur. Hetta gav honum víðar ræsur og frítt at fara í landinum, so hann kundi fáa fatur á og útflyta gimsteinar. </div><div><br></div><div><b>Krevja journalistin útflýggjaðan</b></div><div>Nú vil Liberia hava Mads Brügger útflýggjaðan, so hann kann koma fyri rættin í landinum. </div><div><br></div><div>- Nei, eg havi ongar ætlanir um at halda summarfrí í Liberia, skemtaði Mads Brügger, tá tað gjørdist greitt, at Liberia hevur saksøkt hann. </div><div><br></div><div>- Beint nú bíði eg bara við spenningi eftir, hvat fer at henda. Liberia hevur ein konsul úti í Ørestaden í Keypmannahavn. Tað kann vera, at hann bjóðar mær til eitt glas av portvíni, legði Mads Brügger speirekandi afturat. </div>