- Tíðindi, mentan og ítróttur
Skeljarnar á Oyri skulu MSC-góðkennast
<div>O.C. Joensen á Oyri hevur søkt um MSC-góðkenning fyri skeljaveiðuna.</div><div><br></div><div>Tað er íslendska fyritøkan, Vottunarstovan Tun, sum skal meta, um skeljafiskiskapurin kemur undir burðardygga veiðu, sigur felagið í tíðindaskrivi. Tun hevur valt fýra fólk at taka sær av málinum, og teirra millum er Kjartan Hoydal úr Føroyum.</div><div><br></div><div>Íslendska felagið væntar at vera liðugt við sína meting í februar næsta ár.</div><div><br></div><div><b>Onnur fiskasløg eisini góðkennast</b></div><div><br></div><div>Upplýst verður í tíðindaskrivinum frá Tun, at fiskiskapurin eftir sild, sum felagið Nótaskip søkti um, longu er góðkendur.</div><div><br></div><div>Fiskiskapurin eftir toski og hýsu í Barentshavinum, verður viðgjørdur í løtuni, eftir at trolarin gadus søkti um góðkenning. Og samstundis søkti JFK-trol um góðkenning fyri fiskiskapin eftir upsa undir Føroyum.</div><div><br></div><div>Tavan í Lorvík hevur biðið MSC góðkenna fiskiskapin eftir gulllaksi undir Føroyum. Og tað er fyrsta og einasta umsóknin um gulllaks, sum er við í arbeiðinum hjá MSC, verður upplýst í tíðindaskrivinum.</div><div><br></div>
