- Tíðindi, mentan og ítróttur
Starvsvenjing givið 100 fólkum fast arbeiði
<p>Umleið helvtin av teimum, sum hava verið í starvsvenjingarskipanini hjá ALS, hava fingið arbeiði.</p><div><br></div><div>Ernst Jacobsen, stjóri í ALS, sigur við Dimmalætting, at fleiri enn 200 fólk hava roynt skipanina, og helvtin av teimum hevur fingið arbeiði. Tey eru ið hvussu er ikki skrásett í ALS longur.</div><div><br></div><div>Farið varð undir starvsvenjingarskipanina fyri hálvum øðrum ári síðani, í eini roynd at fáa arbeiðsleys aftur á arbeiðsmarknaðin. </div><div><br></div><div>ALS og arbeiðsplássið rinda í felag lønina í fimm mánaðir. Tann arbeiðsleysi fær arbeiðsloysisstuðul frá ALS, og arbeiðsplássið rindar upphæddina, sum vantar í, tí talan er um ein vanliga starvssetan. </div><div><br></div><div>Ernst Jacobsen sigur, at tað vísir seg at vera munandi lættari at søkja um arbeiði, tá tú longu ert á arbeiðsmarknaðinum. </div><div><br></div><div><b>Arbeiðsleys við Norrønu</b></div><div><br></div><div>Onnur tiltøk hava eisini verið roynd, til tess at fáa arbeiðsleys aftur á arbeiðsmarknaðin. Tá tað frættist, at Smyril Line ætlaði sær uttanlands eftir arbeiðsmegi, setti ALS seg í samband við felagið.</div><div><br></div><div>- 140 fólk fóru ein royndartúr við Norrønu, við stuðli frá ALS. Tá avtornaði, høvdu 40 fólk fingið starvs, sigur Ernst Jacobsen við Dimmalætting. </div><div><br></div><div><br></div>
