- Tíðindi, mentan og ítróttur
Bert annarhvør væntar at fáa lærarastarv
<div>Annar hvør lærari, sum fær prógv í summar, hevur ringar vónir um at fáa starv í fólkaskúlanum.</div><div><br></div><div>Skúlablaðið hevur spurt lærararnar, sum fáa prógv í summar, hvat tey ætla.</div><div><br></div><div>Nógv tey flestu søkja starv í fólkaskúlanum alt fyri eitt. Men tað er misjavnt, hvussu vónirnar eru at fáa starv. Meira enn helvtin av teimum spurdu heldur, at útlitini at fáa starv eru ikki góð. Hin helvtin heldur, at vónirnar eru góðar ella hampiligar. </div><div><br></div><div>Bara seks av teimum 31, sum fáa læraraprógv í summar, eru menn. Og júst tað at vera maður er ein fyrimunur í hesum førinum, heldur ein av teimum seks monnunum, sum Skúlablaðið spurdi. </div><div><br></div><div>- Sum mannfólk vænti eg, at eg fari at fáa starv, tí um eg havi skilt støðuna rætt, so vilja skúlaleiðarar gjarna hava eitt javnari býti millum kynini.</div><div>Tey fáu, sum ikki ætla sær í fólkaskúlan at arbeiða eftir summarfrítíðina, ætla sær at lesa víðari. </div><div><br></div>
