Nú verður loyvt at koyra við lendisakførum

Lógin kemur í gildi fríggjadagin. Koyrikort krevst, og reglurnar um rúsdrekkakoyring er tær somu sum at koyra vanligan bil

Treytin at koyra lendisakfar Ã¡ alfaravegi er tann sum at koyra vanlig akfÃ¸r.

Jón Brian Hvidtfeldt

Johnsigurd Johannesen

30.05.2012 - 09:57

<div>1. juni, tað er fríggjadagin, verður loyvi at koyra á alfaravegi við lendisakførum.</div><div><br></div><div>Loyvið er tó avmarkað til bara at fevna um "yrkisligan flutning til ella frá, ella millum arbeiðsøki". Og harafturat skal flutningurin vera á stytst møguligum strekki.</div><div><br></div><div>Innlendismálaráðið boðar frá, at fyri at kunna koyra eitt skrásett lendisakfar, krevst koyrikort til annaðhvørt bil ella motorsúkklu, og sostatt er 18 ára aldursmark galdandi.</div><div><br></div><div>Ferðmarkið fyri koyring við lendisakførum er í fjølbygdum øki 50 km/t og uttan fyri fjølbygt øki 60 km/t.</div><div><br></div><div>Harumframt eru reglurnar um rúsdrekkakoyring tær somu sum fyri koyring við vanligum bili. Tað merkir, at alkoholstyrkin í blóðinum ikki má fara upp um 0,20 promillu.</div><div><br></div>