- Tíðindi, mentan og ítróttur
Samtak: Føroyingar skulu fiska og virka makrelin
<p>Nú makrelfiskiskapurin byrjar hevur tað týdning, at hann fer at skapa arbeiði bæði á sjógvi og landi, sigur Samtak.</p><div><br></div><div>Arbeiðsloysið er stórt, og hóast glottar eru at hóma, er tað týdningarmikið, at vinnupolitikkurin skapar arbeiði, serstakliga í tilfeingisvinnuni. Fleiri virkir kunnu taka ímóti makrelinum, og tí skuldi verið lag á manni at fingið so nógv virkað í Føroyum sum gjørligt, siga feløgini í Samtaki.</div><div><br></div><div><br></div><div>Eisini er tað týdningarmikið, at sáttmálarnir hjá manningarfeløgunum verða hildnir, og at tað ikki verða sjófólk aðrastaðni, sum arbeiða fyri undirløn, ið manna størvini sjónum. Hetta elvir til ójavna kapping, sosiala dumping, og føroyski sjómaðurin missir arbeiðið.</div><div><br></div><div>Samtak sigur, at hetta eigur at verða steðgað alt fyri eitt - um neyðugt við fakligum tiltøkum móti reiðaríum, sum ikki halda sáttmálan. </div><div><br></div><div>Feløgini í Samtaki eru Føroya Arbeiðarafelag, Havnar Arbeiðsmannafelag, Klaksvíkar Arbeiðsmannafelag, Klaksvíkar Arbeiðskvinnufelag og Fiskimannafelagið, ið umboða umleið 8.000 limir.</div><div><br></div><div>Vinnunevndin fer seinnapartin at leggja fram álit til lógaruppskotini, sum skulu skipa makrelfiskiskapin í summar. </div>
