- Tíðindi, mentan og ítróttur
Fýra rækjuskip vilja hava 10.000 tons av makreli
<div>Nú eru fýra rækjuskip í føroyska flotanum. Einaferð vóru tey 12, men seinastu nógvu árini hava tey bert verið tvey, Havborg og Arctic Viking.</div><div><br></div><div>Men nú makrelurin skal býtast, sæst í einum skrivi frá Felagnum Rækjuskip til Fiskimálaráðið, at rækjuskipini eru fýra í tali. Umframt Havborg og Arctic Viking, er talan um Fríðborg og Sermilik 2.</div><div><br></div><div>Í skrivinum til Fiskimálaráðið vísir Felagið Rækjuskip á, at nógvir pengar eru nýttir til at tryggja rækjuskipunum kvotu í Eysturgrønlandi.</div><div><br></div><div>Men av ósemjuni um makrelin hava rækjuskipini heldur ikki kvotu í Eysturgrønlandi í ár. Kvotan í Eysturgrønlandi hevur seinastu árini verið 1.335 tons, og við rækjuprísinum sum er nú, hevur tann kvotan eitt virði sum er 85 milliónir kr. Tí heldur Felagið Rækjuskip, at rækjuskipini eiga at fáa minst 10.000 tons av makreli til tey fýra skipini.</div><div><br></div><div>Og fyri at fáa sum mest burturúr, mælir felagið til, at rækjuskipini í felag kunnu leiga skip at fiska kvotuna.</div><div><br></div><div><b>Rættvíst og rímiligt</b></div><div><br></div><div>Felagið Rækjuskip heldur tað vera bæði rættvíst og rímiligt, at parturin, ið verður latin teimum, sum beinleiðis hava mist av ósemjuni, verður latin sum eginkvota, við somu møguleikum sum aðrar eginkvotur, tað er, at til bera at flyta kvotu um ársskiftið.</div><div><br></div><div>Felagið sigur tað vera óneyðuga forðing at avmarka møguleikarnar fyri partroling millum ávísar skipabólkar.</div><div><br></div><div>Og Felagið Rækjuskip mælir til, at hjáveiðan av sild verður minst 12 prosent, sigur felagið í skrivinum til Fiskimálaráðið.</div><div><br></div>
