- Tíðindi, mentan og ítróttur
Poula tók øll á bóli
<p>Bestu svimjararnir í Føroyum skulu finnast hetta vikuskiftið, nú svimjihøllin í Gundadali er karmur um føroyameistarakappingina í svimjing. 14 kappingar vóru avgreiddar hendan fyrsta dagin av trimum, og úrtøkan hjá okkara frægastu svimjarum higartil er fýra føroysk met. </p><div><br></div><div>Mest óvæntaða úrslitið var kanska í kappingini 200 metrar blandað hjá kvinnum. Undan kappingini var Turið S. Christiansen mett at vinna, men Poula Ø. Mohr vann kappingina sannførandi við tíðini 2.20.58. </div><div><br></div><div>Tíðin hjá Poulu er nýtt føroyskt met og nóg mikið til, at hon eisini ognaði sær eina gullnál. Metið átti Elspa Mørkøre, og besta tíðin hjá Poulu á hesum teininum undan dagsins kapping var 2.24.76. Turið S. Christiansen kom næst á mál við tíðini 2.24.69. </div><div><br></div><div>Kristina Elin Thomsen úr Susvim sett eisini føroyskt met, og tað var í kappingini 50 metrar firvald, meðan kvinnustafettin hjá Ægi og mansstafettin hjá Havnar Svimjifelag settu met í ávíkavist 4 x 100 metrum frí og 4 x 100 metrum blandað. </div><div><br></div><div>Føroyameistarakappingin í svimjing heldur fram leygardagin og sunnudagin, og sjónvarpið sendir beinleiðis báðar dagarnar. Byrjað verður klokkan 17.</div>
