- Tíðindi, mentan og ítróttur
Vinnuhúsið: Útlendskur eigaraskapur umhugsast
<div><div>Útlendskur eigaraskapur í føroysku fiskivinnuni krevur eina djúptøkna fakliga viðgerð og eigur at vera viðgjørdur í nevnd, sum verður sett at gera uppskot um at nýskipa alla fiskivinnuna, sum hon er. Tað heldur Føroya Arbeiðsgevarafelag í viðmerking um uppskotið hjá Tjóðveldi at strika allan útlendskan eigaraskap í fiskivinnuni fyri 2018.</div><div><br></div><div><div>Lógaruppskotið viðvíkjandi útlendskum eigaraskapi í føroyskum fiskiførum er sera víðfevnt og krevur eina meira djúptøkna fakliga viðgerð enn ta, sum er í hesum uppskotinum, sigur Vinnuhúsið. </div><div><br></div><div>Føroya Arbeiðsgevarafelag sigur eisini, at reglurnar í galdandi lóg er ógreiðar í støðum. Galdandi lóg loyvir útlendingum at eiga upp í ein triðing. </div><div><br></div><div>Jacob Vestergaard, landsstýrismaður í fiskivinnumálum, hevur sagt, at landsstýrið í heyst fer at endurskoða fiskivinnulóggávuna. Tá er millum annað ætlanin at útiloka útlendskan partapening í føroyskum fiskiskipum. </div><div><br></div><div>Andstøðan á tingi hevur uppskot um at seta eina nevnd við fólki úr øllum flokkum at endurskoða fiskivinnupolitikkin.</div><div><br></div><div>Føroya Arbeiðsgevarafelag tekur heldur ikki undir við uppskotinum hjá Javnaðarflokkinum um, at manningin á fiskiskipum, sum eru undir føroyskum flaggi, eiga at fáa hýru eftir sáttmálunum hjá føroysku manningarfeløgunum.</div><div><br></div><div>- Tað er grundleggjandi óheppið, at løgtingið ásetur lønarviðurskifti millum partar á arbeiðsmarknaðinum við lóg. Halda politikararnir kortini, at tað er neyðugt amboð til tess at stýra fiskiskapinum, ber til at áseta hesar treytir um hýru í fiskiloyvunum, sigur Arbeiðsgevarafelagið. </div><div><br></div><div>Øll trý fiskivinnuuppskotini hjá andstøðuflokkunum eru í Vinnunevndini í løtuni.</div></div></div>
