- Tíðindi, mentan og ítróttur
15.000 tons fleiri at býta
<div>Enn er ikki klárt at býta makrelin í ár, men tað er greitt, at 15.000 tons fleiri verða til føroyingar í ár enn í fjør. </div><div><br></div><div>Russland hevur fingið 13.000 tons av makreli frá føroyingum í ár. </div><div><br></div><div>Tí eru 135.375 tons eftir av kvotuni fyri 2012 at býta millum føroysku umsøkjararnar í ár. Og teir eru nógvir. Fiskimálaráðið hevur fingið góðar 200 umsóknir um at sleppa at fiska makrel í ár. </div><div><br></div><div>Meiri verður hjá landsstýrismanninum at býta í ár enn í fjør. 3.000 tons eru eftir frá í fjør, so 138.375 tons eru at býta í ár, 15.000 tons meira enn í fjør.</div><div><br></div><div>Men býtið er ikki á gáttini. Jacob Vestergaard, landsstýrismaður, sigur, at fundur var í makrelbólkinum, sum løgmaður setti, í gjár, har allir spurningar um makrelin vóru vendir, so sum tilfeingisgjald, útlendingar og ognarviðurskifti. </div><div><br></div><div>Men eingin avgerð er tikin enn, sigur Jacob Vestergaard. Makrelbólkurin skal hava fund aftur næsta hósdag. </div><div><br></div><div>Í politiska makrelbólkinum eru Kaj Leo Holm Johannesen og Bárður Nielsen fyri Sambandsflokkin, Jacob Vestergaard og Jørgen Niclasen fyri Fólkaflokkin, Jenis av Rana fyri Miðflokkin og Kári P. Højgaard fyri Sjálvstýrisflokkin. </div>
