- Tíðindi, mentan og ítróttur
Útlendingar skulu ikki at eiga í føroyskum fiskiskipum
<p>Stendur tað til Tjóðveldi, skulu eingir útlendingar eiga í føroyskum fiskiskipum í seinasta lagi 1. januar 2018. Tjóðveldi hevur lagt fram uppskot um broytingar í lógini um vinnuligan fiskiskap.</p><div><br></div><div>Flokkurin sigur, at spekulasjón í fiskirættindum hevur vundið upp á seg, og tað eru í stóran mun útlendskir íleggjarar, sum fíggja. Teir kunnu eftir lógini eiga upp í ein triðing av feløgum, sum reka føroysk fiskifør.</div><div><br></div><div>Tjóðveldi sigur, at alt bendir á, at peningur verður læntur ímillum í atknýttum feløgum, soleiðis at bæði vinningur og veruligi avgerðarrætturin endar hjá útlendska íleggjaranum. Føroyski parturin verður tí í mongum førum eitt strámannavirksemi fyri útlendsk áhugamál, har avgerðarrættur og vinningur fer av landinum.</div><div><br></div><div>Tjóðveldi skjýtur upp, at lógarbroytingin fær gildi frá framløgudegnum, so eingi nýggj mál við útlendskum ognarluti í fiskiførum taka seg upp. Og reiðarí, sum útlendingar eiga í, fáa knøpp seks ár at fáa viðurskiftini í rættlag. </div>
