- Tíðindi, mentan og ítróttur
Ísland fær limaskap í ES
<p><br></p><p>Alt bendir á, at Ísland fær limaskap í ES.</p><div>Danski ráðharrin í evropamálum, Nicolai Wammen, hevur verið í Íslandi á vitjan og hitt m.o Jóhonnu Sigurðardóttir, forsætisráðharra, og Øssur Skarphéðinsson, uttanríkisráðharra, har samráðingarnar um íslendskan ES-limaskap hava verið umrøddar.</div><div><br></div><div>Danmark hevur í løtuni formansskapin í ES. </div><div><br></div><div>Nicolai Wammen sigur, at Danmark vil hava Ísland upp í ES, og tekur av heilum huga undir við samráðingunum um íslendskan limaskap. Hann staðfestir, at samráðingarnar ganga væl.</div><div><br></div><div>- Íslendingar hava fyrireikað seg væl til samráðingarnar, og eru farnir professionelt til verka, sigur danski ráðharrin, sambært grønlendska blaðnum Sermitsiaq.</div><div><br></div><div>Hann vísir á, at Ísland frammanundan er partur av EBS-samstarvinum, og tí kenna íslendingar væl til reglurnar, sum eru galdandi í ES.</div><div><br></div><div>Nicolai Wammen dylir ikki fyri, at trupulleikar kunnu taka seg upp í samráðingunum, tá fiskivinnumál koma til viðgerðar. </div><div><br></div><div>- Tí ræður um, at bæði Ísland og ES hava eina konstruktiva og veruliga tilgongd til henda partin av samráðingunum, sigur Nicolai Wammen, sum fer aftur til Danmarkar í dag. </div>
