Jógvan hálar Teit fram í ljósið

Fríggjakvøldið sang Jógvan seg til finaluna í X-factor m.a. við lagnum Josephine hjá okkara Teiti. Hetta hevur varpað nógv ljós á Teit seinastu døgnini – hygg bara her:

Soleiðis sá út á Youtube fríggjadagin fyrrapart

Í dag er talið av hyggjarum góð 129.000, sostatt er hetta ein øking uppá fleiri enn 5.000 hyggjarar seinastu døgnini - hetta er lutfalsliga nógv! 

So okkurt bendir á, at X-factor hyggjarar veruliga hava tikið sangin til sín. Tað er heldur ikki løgið, tí Jógvan meistraði veruliga vakra lagið hjá Teiti, Josephine.

Rokan hevur eisini verið í fjøruni á iTunes. Josephine liggur nú á nummar 9 yvir heitastu løgini beint nú á danska iTunes, tí fleiri hava keypt sær lagið.

Hetta er stuttligt, tí lagið er 12 ára gamalt. Tað var fyrstu ferð at hoyra á væl umtóktu útgávuni Poetry & Aeroplanes frá 2003. Poetry & Aeroplanes hevur eisini fingið eitt stórt "boost" og liggur í dag nummar 16 á topplistanum yvir albums.