Nýggi barnagarðurin lekur

Tað dryppar við Gøtugjógv. Tað hevur tað í roynd og veru gjørt, síðan barnagarðurin læt upp fyri einum hálvum ári síðan. 

Barnagarðurin hevur kostað kommununi oman fyri 50 milliónir krónur. 

Meðan børnini brúka spannir sum leikutoy uttanfyri, brúka starvsfólkini spannirnar innandura at seta undir lekarnar. Tað eru serliga við fleiri av takvindeygunum, at tað lekur.

Kommunan hevur av tí sama ikki goldið allar rokningarnar, sum hon skyldar byggiharranum MT Højgaard.