Næstan hálv milliard í størri útflutningi

Útflutningurin av fiskavørum er vaksin 450 milliónir krónur frá 1. januar til 1. november í ár.

Útflutt var fyri 9,8 milliardir krónur.

Allur útflutningurin fyrstu tíggju mánaðirnar í ár  er 10,5 milliardir krónur, sum eru 320 milliónir krónur meira enn í sama tíðarskeiði í fjør. 

Alivinnan hevur útflutt minni í ár, virðið er minkað 239 milliónir, 5,3 prosent, og nøgdin 7.990 tons, 13,3 prosent.

Føroyar útflyta framvegis til Russlands.

Útflutningurin til Russlands var 67,9 milliónir krónur í oktober, 64,3 milliónir vóru makrelur.