Watson sleppur ikki inn um 12 fjórðingar

Paul Watson er nú komin knappan hálvan vegin til Føroya. Hann fór í gjárkvøldið úr havnini í Killybegs í Írlandi, har hann lá fyri akker við skipinum John Paul De Joria. Kósin varð sett norðureftir, og fyri løtu síðani var hann staddur út fyri vestaru strondina av Norður Skotlandi.

Paul Watson segði týsdagin, at hann er á veg til Føroya at forða fyri grindadrápi og at leggja uppí, um grind verður hildin til.

Michael Boolsen, fúti, segði, at hann fór beinan vegin týsdagin at fyrireika løgregluna at taka ímóti Watson.

Væntast kann, at John Paul De Joria, við Watson sum skipara, er í føroyskum øki einaferð í morgin.