Søkja aftur eftir presti til Tvøroyrar

Kirkjuráðini í Suðuroy fara aftur at lýsa eftir sóknarpresti til Tvøroyrar. 

Tað skrivar folkakirkan.fo. 

Herfyri var søkt eftir tveimum sóknarprestum til Suðuroyar norðara prestagjald, í Hvalba og á Tvøroyri.

Til starvið á Tvøroyri komu fimm umsóknir.

10. mai innstillaðu kirkjuráðini ein umsøkjara, ið eftir umhugsunartíð avgjørdi ikki at taka við embætinum.

Tí verður væntandi aftur lýst eftir sóknarpresti á ólavsøku.

Hanus Pál Jógvansson er settur í embætið Hvalba, har hann frammanundan hevur verið virkandi sóknarprestur.

Hanus Pál Jógvansson, prestur

Hanus Pál Jógvansson er settur sum sóknarprestur í Hvalba. (Mynd: Bjarni Árting Rubeksen)