Flogskipararnir og arbeiðsgevararnir gjørt tvey ára sáttmála

Flogskiparafelag Føroya og Føroya arbeiðsgevarafelag hava gjørt tvey ára sáttmála.

Frumatkvøða var í gjár hjá limunum í Flogskiparafelagnum. Stórur meiriluti var fyri uppskotinum um sáttmála.

Flogskiparafelagið sigur, at tað fegnast um, at verkbannið hjá Arbeiðsgevarafelagnum, sum Atlantic Airways er í, ikki verður neyðugt.

Verkbannið skuldi byrja 12.mai. 

27.apríl boðaði nevndin í Flogskiparafelagnum Semingsstovninum frá, at felagið kundi ikki góðtaka semingsuppskotið, sum kom 20.apríl.

Sama dag, altso 27.apríl, fóru Flogskiparafelagið og Atlantic Airways at samráðast um semju.

Tær samráðingar bóru á mál. Ein tvey ára sáttmáli er nú gjørdur.