Fútin: Fregnartænasturnar hava njósnaramál

Tað er ikki politiið í Føroyum, sum tekur avgerðir um mál sum tey, sum komu fram í ljósið í gjár um illgrunan um russisk fiskiskip, sum njósna, millum annað í Føroyum. 

Fregnartænasturnar hjá politinum, PET, og verjuni, FE, hava slík mál.

Tað sigur Michael Boolsen, fúti.

Og skal politiið í Føroyum fara um borð í skip, sum hava fremmant flagg, skal ítøkiligur illgruni vera um okkurt revsivert ella illgrunasamt.

Slíkur illgruni er ikki í hesum førinum, sigur fútin.

Fútin sigur, at samskifti er alla tíðina millum seg, landsstýrið og fregnartænasturnar um hetta málið.

russisk skip á Havnini, russisk skip, Tinganes

Skal politiið í Føroyum fara um borð í skip, sum hava fremmant flagg, skal ítøkiligur illgruni vera um okkurt revsivert ella illgrunasamt. Og slíkur illgruni er ikki í løtuni, sigur Michael Boolsen. (Mynd: Bjarni Árting Rubeksen)