Knústu gamla metið

Kvartettin hjá HS hevði sett sær eitt greitt mál til Tórshavn Open síðsta vikuskiftið.

Isak Brisenfeldt, Oddvaldur Leivsson, Bartal Eidesgaard og Silas Dam Lindberg úr Havnar Svimjifelag vildu hava trettan ára gamla metið hjá Susvim í 4x200 frí fyri lið- og tað tóku teir so dyggiliga.

Gamla metið var 7,54.67 meðan nýggja mettíðin fyri lið er 7,40.27. Meir enn 14 sekund skjótari samanlagt.

Skjótasti svimjarin hjá HS var Isak Brisenfeldt við 1:51.06, meðan Oddvaldur Leivsson og Silas Dam Lindberg, sum báðir eru føddir í 2008, høvdu tíðina 1:58.24. Bartal E. Eidesgaard svam sín tein upp á 1:52.73.

Í 2011 svam navnframi Pál Joensen teinin upp á 1,49.64, men tá var lakasta tíðin 2:05.13.