VIDEO: Føroysku kurvabóltskvinnurnar vunnu fyri fyrstu ferð

Kurvabóltslandsliðið við kvinnum skrivaði søgu í dag. Seinnapartin vunnu tær sín fyrsta dyst, 43-39, á Jersey, og tryggjaðu sær samstundis fimta plássið

Símun Christian Olsen

13.07.2023 - 15:19

Føroysku kurvabóltskvinnurnar skrivaðu søgu í dag, tá tær vunnu sín fyrsta landsdyst.

Annar dysturin um fimta plássið endaði 43-39. Dagin fyri vunnu Jerseykvinnur við tveimum, so Føroyar fóru avstað við fimta plássinum.

- Hetta er altso ikki til at skilja. Hjartaliga til lukku til tykkum øll, skrivaði Kurvabóltssamband Føroya á sínum facebook-vanga.

Anna Maria Sloan varð vald til sonevndan MVP, most valuable player, og stórfegnaðist um sigurin.

- Hetta hevur verið heilt fantastiskt. Tað hevur verið ordiliga stuttligt at spæla allar dystirnar. Vit hava koyrt ein 100 prosent innsats í eitt ár. Genturnar eru heilt fantastiskar. Vit leggja lív og sál í hetta, og vit eru komnar fyri at verða. Kurvabóltskvinnur eru komnar til Oyggjaleikir fyri at verða, segði hon eftir dystin.