- Alt fer inn, og tað skal upp í tríkantin eisini

- Alt fer inn, og tað skal upp í tríkantin eisini
Føroyski liðskiparin, Viljormur Davidsen, helt, at føroyska landsliðið reistist eftir tapið fyri Kekkia leygarkvøldið, men iðraði seg um úrslitið og albanska málið til 2-1
20.06.2023 - 23:22

 - Alt fer inn, og tað sær út til, at tað skal upp í tríkantin eisini.

Tað staðfesti liðskiparin á føroyska fótbóltslandsliðnum, Viljormur Davidsen, eftir 3-1 undankappingartapið fyri Albania týskvøldið.

Hann helt, at føroyska avrikið var munandi betri enn leygarkvøldið ímóti Kekkia, men iðraði seg um málini, sum albanar fingu á Tórsvølli. Serliga 2-1 málið - eitt skot upp í málhornið, ørkymlaði liðskiparan.

 - Vit kunnu gera tað betri, vera nærri við. Hinvegin vil mann gjarna, at ein spælari skjýtur úr 30 metrum við skeiva beininum. Tað burdi ikki verið farligt, segði Viljormur Davidsen.

Men tað var tað. Kristjan Asllani skjýtur neyvan nakað eins gott mál í bræði, og hóast heimaliðið hevði fleiri málmøguleikar, eydnaðist ikki at javna.

 - Vit leypa á, og so kemur eitt kontramál, sum teir so avgera dystin upp á. Men vit geva alt, vit hava, og tað hevur týdning, segði Viljormur Davidsen.

 
Er kopiera
Nýggjastu sendingar í ÚV
Leygardag 18. januar
Jambalaja - 180125
186515
Leygardag 18. januar
Upp á tá - 170125
186510
Leygardag 18. januar
Morgunlestur leygardagur 18. januar 2025
186264
Nýggjastu sendingar í SV