Ov fáar løðistøðir

Tað koyra umleið túsund leigubilar á føroysku vegunum hvørt summar. Hálvt ár seinni verða nógvir av bilunum seldir privatum húsarhaldum. Bilarnir eru so at siga allir bensin og dieselbilar.

Michael Koba heldur tað vera neyðugt at hava eitt væl útbygt net við løðistøðum kring alt landið, um tað skal bera til hjá bilútleigarunum at skifta til el-bilar.

Harumframt heldur bilútleigarin, at tað skuldi verið lættari hjá teimum, ið selja gistingar, eisini at bjóða løðing til el-bilin.