Sverri Nielsen í HM-hálvfinalu

Sverri  Sandberg Nielsen úr Miðvági hevur róð seg í hálvfinaluna í heimsmeistarakappingini fyri single scullarar, sum verður hildin í USA.

Í gjár var fjórðingsfinalu-umfarið á skránni, og har eydnaðist tað Sverra at blíva nummar trý, sum var minsta kravið fyri at koma víðari.

Kappingin er sera hørð, tí Sverri var bara 60 hundraðpartar frammanfyri hvítarussaran, Stanislau Shcharbachenia og samtundis var miðvingurin bara eitt sekund aftanfyri fremsta bátin.

Sverri Sandberg Nielsen rør hálvfinaluumfarið fríggjadagin klokkan 15.55