- Tíðindi, mentan og ítróttur
Sí myndirnar: Lutakast um valdekningin í KVF
Sí myndirnar: Lutakast um valdekningin í KVF
Í dag var lutakast um, í hvørjari raðfylgju flokkarnir skulu í valsendingarnar í Kringvarpi Føroya
15.11.2022 - 18:50
Valdekningurin í Kringvarpi Føroya er sera týðandi fyri valstríðið hjá flokkunum.
Tí er tað fastur táttur, at lutakast er um raðfylgjuna, sum flokkarnir sleppa framat í ymsu valsendingunum í útvarpinum og sjónvarpinum í Kringvarpi Føroya.
Í sambandi við løgtingsvalið fer Kringvarpið at hava sendingarnar "Tingið" í útvarpinum og "Andgletturin" í sjónvarpinum.
Harumframt verða valfundir kring landið.
Myndir: Bjarni Árting Rubeksen
Jenis av Rana, formaður Miðfloksins, sum var upphavið til, at val varð útskrivað, var sjálvur møttur til lutakastið í Kringvarpinum í dag.
Lutakastið er eisini eitt høvi hjá flokkunum at gera vart við okkurt, ið teir kanska eru misnøgdir við í ætlaða valdekninginum hjá Kringvarpinum.
Lasse Klein, ið er skrivari hjá Sjálvstýrinum, hevur sæð og hoyrt tað mesta. Lasse Klein stillaði fyrstu ferð upp fyri Sjálvstýrisflokkin í 1980.
Flokkarnir stremba allatíðina fyri, at so nógv valevni sum gjørligt sleppa framat í valsendingunum hjá Kringvarpi Føroya. Formenninir hava eisini eina innanhýsis kabal, ið skal ganga upp.
Poul Clementsen, ið var ein av stovnarunum av Framsókn, umboðaði Framsókn í sambandi við lutakastið.
Fólkaflokkurin hevur fingið nógvar brotasjógvar oman yvir seg seinastu tíðina, men flokkurin stendur enn. Tað var Hanus Samró, ið umboðaði flokkin í dag.
So hava allir flokkar fingið sagt sítt um ætlaða valdekningin í Kringvarpinum, og Georg L. Petersen, tíðindaleiðari, er klárur at draga.
Og tó. Okkurt lítið skuldi útgreinast fyrst.
Tað ráddi um at hava tunguna mitt í munninum. Stemningurin var annars góður millum umboðini fyri flokkarnar, og tey tóktust klár til valstríðið.
Bárður á Steig Nielsen, løgmaður, helt skemtandi fyri, at skráin fyri valdekningin í Kringvarpinum mátti samankoyrast við skránna fyri mest áhugaverdu dystirnar í HM í fótbólti. Serliga dysturin millum Wales og Ongland skuldi síggjast.
Aksel V. Johannesen, formaður Javnaðarfloksins, fylgir neyvt við øllum, ið rørir seg, og hann hevði nøkur ting, sum hann vildi hava upp á pláss, áðrenn Georg L. Petersen loksins slapp at draga.
So bleiv drigið.
Raðfylgjan
| Dagfesti | Tingið (útvarp) | Andgletturin (sjónvarp) |
| 21. nov. (mán.) | Sjálvstýri | |
| 22. nov. (týs.) | (Veljarafundur) | Framsókn |
| 23. nov. (mik.) | Javnaðarflokkurin | (Veljarafundur) |
| 24. nov. (hós.) | (Veljarafundur) | Miðflokkurin |
| 25. nov. (frí.) | Fólkaflokkurin | Tjóðveldi |
| 26. nov. (ley.) | ||
| 27. nov. (sun.) | (Veljarafundur) | |
| 28. nov. (mán.) | Sambandsflokkurin | Sambandsflokkurin |
| 29. nov. (týs.) | (Veljarafundur) | Fólkaflokkurin |
| 30. nov. (mik.) | Tjóðveldi | |
| 01. des. (hós.) | (Veljarafundur) | Javnaðarflokkurin |
| 02. des. (frí.) | Miðflokkurin | Sjálvstýri |
| 03. des. (ley.) | ||
| 04. des. (sun.) | ||
| 05. des. (mán.) | (Veljarafundur) | |
| 06. des. (týs.) | Framsókn | (Veljarafundur) |
| 07. des. (mik.) | ||
| 08. des. (hós.) | LØGTINGSVAL | LØGTINGSVAL |
20221115_NET_LUTAKAST_LOGTINGSVAL
|
|
Er kopiera
