14.000 fleiri ferðafólk um flogvøllin higartil í ár

Í oktober vóru ferðafólkini á flogvøllinum 2,8 prosent fleiri enn í oktober í fjør.

So oktober 2024 er besti oktober hjá flogvøllinum higartil.

Oktober í ár var 5,3 prosent betri enn oktober 2019, tað er, áðrenn korona kom.

Til 1. november vóru sløk 14.000 fleiri ferðafólk enn til 1. november í fjør.

Vøksturin er 3,6 prosent.

Nú í vetur brúka bara Atlantic Airways og FarCargo flogvøllin í Vágum regluliga.