- Tíðindi, mentan og ítróttur
TB upp við ungum spælarum
TB upp við ungum spælarum
Uppflyting var ikki fremsta málið, tá ið TB fór undir kappingarárið í 1. deild, sum endaði við, at TB gjørdist nummar trý og tí aftur er í bestu mansdeildini í fótbólti.
Hóast nógvar ungar spælarar, vann TB seg uppaftur í bestu deildina
Mynd: Andre Dalfoss
27.10.2024 - 10:07
Eftir eitt árs fráveru verður TB aftur at síggja í bestu fótbóltsdeildini komandi ár. Næstbesta deildin endaði fríggjakvøldið, og við 1-0 sigri móti FC Hoyvík tryggjaði TB sær triðja plássið í deildini, sum merkir uppflyting til Betri deildina.
- Tað var ikki málið frá byrjan at flyta upp, sigur Andre Dalfoss, formaður í TB. Orsøkin til avmarkaðu vónirnar var millum annað, at TB hevði heilt nógvar ungar spælarar.
Tað bleiv rættiliga spennandi í síðsta umfari, tí eitt skifti lá B71 til at fáa triðja plássið og uppflytingina, men so skoraði TB í Hoyvík og vann tann altavgerandi sigurin.
Saman við TB flytur FC Suðuroy eisini upp. Sostatt verða tvey suðuroyarlið í bestu deildini í 2025.
Hoyr samrøðu við Andre Dalfoss:
2024-10-26-Andre-Dalfoss
Er kopiera
Nýggjastu sendingar í ÚV
Nýggjastu sendingar í SV
