Landsinnsavningin hjá Reyða Krossi Føroya í sjónvarpinum í kvøld

Í eini roynd at røkk fleiri fólkum, so verður árliga landsinnsavningin hjá Reyða Krossi Føroya send í sjónvarpinum hjá Kringvarpi Føroya úr Fiskastykkinum í Sandavági.

Landsinnsavningin er ein møguleiki hjá fólki og fyritøkum at savna pening inn til at hjálpa, har neyðin er størst.

Á skránni verða samrøður og innsløg um hjálpararbeiðið í Føroyum og kring heimin, undirhald og tónleikaframførslur frá eitt nú Beinir, Vágaverk, Guðrið Hansdóttir og JazzyGold.

Vertir eru Krista Johnsdóttir Kreutzmann og Jógvan Skeel Nolsøe.

Øll, sum ringja á  90 56 56, ella keypa ein lutaseðil á síðuni hjá Reyða Krossi Føroya, stuðla við 200 krónum og eru við í lutakastinum um ein spildurnýggjan Volvo EX30 elbil. 

Fyritøkur, feløg, kommunur, stovnar og líknandi eru eisini hjartaliga vælkomin at stuðla Landsinnsavningini, og kann stuðulin skrásetast á heimasíðuni hjá Reyða Krossi Føroya. 

Landsinnsavningin sæst her á heimasíðu Kringvarpsins frá klokkan 19.