Ritstuldurgøla: Norski heilsumálaráðharrin fer frá

Ritstuldurgøla: Norski heilsumálaráðharrin fer frá
Ingvild Kjerkol er farin frá sum heilsumálaráðharri, eftir at tað er staðfest, at talan hevur verið um ritstuldur, tá hon skrivaði masterritgerð sína við Nord Universitet
 
12.04.2024 - 12:20

Ingvild Kjerkol fór í dag frá sum norskur heilsumálaráðharri.

Hóskvøldið kom fram, at nevndin fyri lestrarmál á Nord Universitetinum var komin til niðurstøðu í kanningini um masterritgerðina hjá Kjerkol, sum í januar kom undir illgruna fyri ritstuldur - plagiat. Og avgerðin var greið: talan var um viljaðan ritstuldur. 

- Ritstuldur í tí vavi, sum talan er um her, kann ikki koma fyri, uttan so at rithøvundurin er vitandi um tað. Hóast tað kann vera lætt at missa yvirlitið yvir ávístu keldunum, kann tað ikki henda óvilja í so nógvum førum, segði nevndin, sum eftirkannaði uppgávuna. Tað skrivar heimasíðan VG.

 

Og henda avgerðin gjørdi, at Jonas Gahr Støre í dag misti áliti á Kjerkol.

Á tíðindafundi í morgun, segði hann, at er torført at útinna embætisuppgávurnar og hava ábyrgd av eitt nú øllum heilsu- og granskingargeiranum, tá álitið ikki er til staðar. 

Ingvild Kjervold er næsti ráðharrin í stjórnini hjá Støre, sum má leggja frá sær vegna ritstuldur í einari masteruppgávu.

Í januar mátti granskingar- og útbúgvingarmálaráðharrin eisini leggja frá sær av somu orsøk.

Er kopiera
Nýggjastu sendingar í ÚV
Hósdag 3. apríl
RagnarRokk 3.apríl 2025
189927
Hósdag 3. apríl
«Eingil boðar føðing Jesu»
190220
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125