Færri doyggja

Nú doyggja færri fólk í Føroyum sambært nýggjastu tølunum um fólkatalið.

Higartil í ár eru í miðal 45 fólk deyð um mánaðin. Tað eru óvanliga nógv.

Men nú er miðaltalið komið niður í 35.
 

Burðaravlopið 124 fólk

Færri verða eisini fødd nú, stivliga 50 børn í miðal um mánaðin.

Seinasta árið, tað er til 1. november, er vøksturin í fólkatalinum minkaður úr 1,5 prosentum niður í 1,1 prosent. 

Burðaravlopið er 124 fólk og nettoflytingin 483 fólk. 

Bæði stór til- og fráflyting

160 fólk flyta til Føroya um mánaðin. So stór hevur miðaltilflytingin ikki verið síðan aldarskiftið, skrivar Hagstovan. 

Fráflytingin er eisini stór, 117 fólk í miðal um mánaðin.

So stór hevur fráflytingin ikki verið síðani 2014.