Nøgd við myndugleikarnar

Føroyingar vóru sum heild væl nøgdir við handfaringina av koronufarsóttini, og álitið á almennar myndugleikar var stórt undir farsóttini.

Tað staðfestir vísindalig grein, sum Herit Albinus, námslektari og búskaparfrøðingur, og Heini í Skorini, lektari, hava skrivað.

Greinin er komparativ ella samanberandi, tí somu spurningar vórðu settir í níggju ymiskum londum á sumri í 2021.

Aldur, útbúgving, átrúni og politisk sannføring høvdu ávirkan á, hvussu fólk svaraðu.

Greinin er gjørd í samstarvi við stóra danska granskingarverkætlan og Granskingarráðið hevur fíggjað arbeiðið.